អ្វីដែលយើងធ្វើ
ស្វែងយល់ពីវិធីជាច្រើនដែលយើងបម្រើ និងកសាងសហគមន៍ ពាសពេញប្រទេសកម្ពុជា។
7 កម្មវិធី
ចាប់ពីមហាសន្និបាតថ្នាក់ដឹកនាំ រហូតដល់ការបម្រើក្នុងភូមិ កម្មវិធីនីមួយៗបង្ហាញពីការប្តេជ្ញាចិត្តរបស់យើងចំពោះការផ្សាយដំណឹងល្អ និងចំពោះគ្នាទៅវិញទៅមក។
ការជួបជុំដ៏ធំប្រចាំឆ្នាំដែលប្រមូលផ្តុំគ្រូគង្វាល ថ្នាក់ដឹកនាំក្រុមជំនុំ និងតំណាងបណ្តាញគ្រីស្ទបរិស័ទមកពីគ្រប់និកាយទូទាំង ២៥ ខេត្ត-ក្រុង ដើម្បីបង្កើនទំនាក់ទំនង បង្កើតឯកភាព និងលើកទឹកចិត្តគ្នាទៅវិញទៅមកនៅក្នុងកិច្ចការបំរើព្រះ។
កម្មវិធីបណ្តុះបណ្តាលដែលចុះផ្ទាល់ទៅតាមតំបន់ ដើម្បីបំពាក់បំប៉នជំនាញដឹកនាំ សុខភាពខាងវិញ្ញាណ និងការគ្រប់គ្រងក្រុមជំនុំមូលដ្ឋាន ក្នុងគោលបំណងពង្រឹងសមត្ថភាពគ្រូគង្វាលនៅតាមបណ្តាខេត្តឱ្យកាន់តែរឹងមាំជានិរន្តរ៍។
វគ្គបណ្តុះបណ្តាលដែលផ្តោតសំខាន់លើការរៀបចំយុវជនជំនាន់ក្រោយ។ យើងជួយគាំទ្រ ណែនាំ និងពង្រឹងសក្តានុពលរបស់ថ្នាក់ដឹកនាំវ័យក្មេងនៅតាមក្រុមជំនុំនានា ឱ្យមានភាពក្លាហាន និងសមត្ថភាពក្នុងការដឹកនាំមិត្តភក្តិ និងសហគមន៍របស់ពួកគេ។
ការផ្តល់ការបណ្តុះបណ្តាល និងធនធានជំនាញដល់គ្រូបង្រៀនការអប់រំគ្រីស្ទាន និងសាលាថ្ងៃអាទិត្យ ដែលបម្រើក្នុងក្រុមជំនុំទូទាំងប្រទេសកម្ពុជា។
ការលើកកម្ពស់ស្តង់ដាររស់នៅប្រកបដោយភាពស្មោះត្រង់ សីលធម៌ សុចរិតភាព និងគំរូល្អនៅក្នុងសង្គម។ កម្មវិធីនេះជួយឱ្យថ្នាក់ដឹកនាំគ្រីស្ទបរិស័ទទាំងអស់ដើរតួជាពន្លឺ និងជាគំរូដ៏ល្អក្នុងជីវិតឯកជន និងការដឹកនាំការងារទូទៅ។
សកម្មភាពសប្បុរសធម៌តាមរយៈការចុះពិនិត្យ និងថែទាំសុខភាពដោយឥតគិតថ្លៃ ព្រមទាំងការចែករំលែកគ្រឿងឧបភោគបរិភោគ និងសម្ភារចាំបាច់នានា ដើម្បីជួយសម្រាលទុក្ខលំបាក និងបង្ហាញសេចក្តីស្រឡាញ់ជាក់ស្តែងដល់កុមារ និងគ្រួសារក្រីក្រក្នុងសហគមន៍។
ការបោះដៃជួយសង្គ្រោះ និងផ្តល់ជំនួយមនុស្សធម៌បន្ទាន់ (ដូចជា ជម្រក អាហារ និងការគាំទ្រផ្លូវចិត្ត) ដល់ជនភៀសខ្លួន និងក្រុមគ្រួសារដែលបានរងផលប៉ះពាល់យ៉ាងធ្ងន់ធ្ងរ នៅក្នុងតំបន់ជម្លោះ ឬតំបន់ដែលរងគ្រោះដោយសារសង្គ្រាមឈ្លានពាន។
យើងស្វាគមន៍អ្នកស្ម័គ្រចិត្ត ភ្ញៀវ និងដៃគូមកពីទូទាំងពិភពលោក។ សូមទាក់ទងមកយើង ដើម្បីស្វែងយល់ពីរបៀបដែលអ្នកអាចចូលរួមសកម្មភាពណាមួយរបស់យើង។
ទាក់ទងមកយើង
